Mizo Presbyterian

Sunday School Outing

Christian Education chuan kum tina kan tih thin dan angin kum 2016 ah pawh naupang puala Sunday School Outing neih a rel a. Kumin chu Sight & Sound Theatre, Lancaster, Pennsylvania lamah 'Samson' en turin kan va thawk chhuak a. Puitling leh naupang nen kan zavaiin mi 45 kan tling a ni.

Biakin atangin zing dar 11-ah kan chhuak a. Frederick, MD-ah innghak khawm lehin, dar 12-ah Frederick atangin Lancaster panin kan chhuak thei a. Maryland lamah ruah a sur cherh cherh na a chu Lancaster lam chu Pathian zarah khua a lo thiang tha a a lawmawm hle. Thlen veleh kan chaw paite kan ei sawk sawk a, show en turin a hun takah kan inpeih thei a. A tu a te pawhin hmuhnawm kan ti a, kan hlawkpui tlang hle a ni.

Blizzard Jonas

East coast lamah vur a tla nasa hle a, hmun thenkhatah phei chuan feet 3 dawn dawn a sur ni a thu dawn a ni. Hei vang hian Inrinni(01/23/2016) zan tawngtai inkhawm leh Pathianni(01/24/2016) biakinpui inkhawm pawh thulh(cancel) a ni. 

Hmun hrang hrangah vur avanga chhiat tawk a, nunna hial chan te pawh an awm a. Chutih rualin kohhran member te zingah khaw that loh vanga chhiat tawk an awm kan hre lova, a vanneihthlak hle.

Kohhran mo lawmna

Kumin 2015-a MPCYF Leader, Lallawmzuala, chuan kumtluang run lum pui atan, kum tam tak a lo rim tawh, Lalduhawmi, chu a thlang ta a. Rev. Vanlalhruaia'n Gaithersburg Presbyterian Church, MD-ah kut a suih tir a. Chumi hnu-ah Gaithersburg High School auditorium-ah reception hlimawm tak leh ruai tui tak kil ho a ni. Nupa tuak thar te Pathian malsawmna dawnga, kristian chhungkua din zel turin duhsakna kan hlan  e.